Bâte gnifa - Biagio Marin

Nessuna roba al mondo xe più bela
de bâte gnifa duto 'l santo dì
e compagnâ co' l'ocio garghe vela
fin che te vien la vogia de drumì.

E colegài là sul sabion ardente
scoldâsse i ossi soto 'l sol d'istàe
e stâ senti che 'l mar continuamente
el pianzota, cussì da fa pietàe.

E co s'à 'l sangue za ben brostolào
sognâ de basi e d'onbra fresculina
e dormensâsse dopo un bon sussiào
là soto 'l sol, in meso a la marina.


Bate gnifa= battere la fiacca
garghe=qualche
drumì=dormire
colegài=sdraiati
sussiào=sbadiglio